李詩韻龔嘉欣追仔口味一致
鄧健泓的新歡舊愛龔嘉欣與李詩韻，昨日與馬浚偉、苟芸慧、馬國明等為梁材遠新劇試造型。李詩韻與龔嘉欣被邀合照，表情靦覥，無獨有偶，二人於戲內又一齊鍾情馬浚偉，可謂戲如人生。當問到是否尷尬時，李詩韻坦言：「一啲都冇，只係我唔認識對方啫，依家我都尊重佢哋嘅關係。」詩韻表示不想惹起不必要的誤會，刻下已甚少聯絡鄧健泓，又說：「最多都係我唔喺香港，交隻狗仔畀佢湊啫，但都係工人負責接送。」她坦言有人追，但仍未找到合適的人，暫時不急於再墮愛河。
而馬浚偉則第六度剃頭演清裝，他表示前晚由姐夫親自操刀為他落髮，感覺頭頂太凍，全晚難以入睡。由於今次角色周旋於三位拍檔中間「套料」，亦有打戲，他認為挑戰性十足，最搞笑是黎諾懿、駱應鈞及谷鋒分別扮演他的爸爸，與黎諾懿、駱應鈞合照時，他打趣指自己愈來愈年輕呢！
