林莉拒抵制日貨
模特兒林莉昨日出席「九州熊本祭香港站」活動，林莉表示「恨」去九州，問到日語是否流利？她說：「麻麻哋，冇學過日文，依家專注學好普通話先。（識日本男仔做男友？）我唔係特別崇日。」談到近日內地多個地方有反日示威活動，林莉說：「呢排係幾敏感，好同唔好嘅歷史都要知道，從歷史中學習，令自己進步，據理力爭攞番屬於自己嘅嘢係啱，但反對暴力同強硬方法，呢排都多咗好多抗日電影，激起民族精神，自己睇到好投入。」問到會否抵制日貨？林莉說：「唔會，我都用日本化妝品，好嘢梗係要用，佢哋之前侵略我哋，要用番佢哋嘅嘢。」
