嘉欣巨肚現形佗慈姑椗
明年將會開刀生兔B的李嘉欣，雖然腹大便便，但依然貪靚腳踏四吋高跟鞋出席活動。全城關注兔B是男或是女，嘉欣漏口說會用姨甥仔的衣物，看來嘉亨一矢中的，成功炮製繼承家族資產達200億港元的嘉亨仔！
李嘉欣昨日出席《Photokina 2010 全新Leica相機》傳媒預展及《Leica LOVE Project》揭幕儀式。接近一個月未有公開露面的嘉欣，面龐圓潤飽滿，懷着巨腹現身，但仍腳踏四吋高跟鞋，在工作人員開路下現身，訪問時更被安排坐在椅子上。
冇嘔肥十幾磅
自言肥了十多磅的嘉欣，不肯透露懷胎多少月，更表示胃口有改變：「冇嘔，同家姐一樣，人哋話嘔會瘦，唔嘔先至會肥，同埋以前鍾意正餐食甜品，但依家有啲抗拒。生冷嘢照食，冇戒口，唔需要食參茸海味，均衡飲食就得。」愛妻心切的許晉亨，原來已決定陪嘉欣入產房，嘉欣說：「佢有重任喺身，會入去拍video，我有睇家姐同好多朋友生B嘅片段，真係好shock好intense。」
被問到嬰兒是男或是女？嘉欣只說已知道性別，但稍後才會透露。問到準備嬰兒用品時，嘉欣卻話中有話：「會用番家姐BB嘅嘢，一來環保，而且家姐個B好靚，尤其BB大得快，好快好多嘢都唔啱，可以慳唔少。（你家姐有個小王子，你嗰個都係小王子？）好多嘢都冇分男仔定女仔。」
笑言現在連腳趾也看不到的嘉欣，說如適合的話，也會接拍修身廣告，即使屆時性感上陣也冇所謂，至於會否母子檔接工作，嘉欣說：「唔會，BB仲咁細個，唔想佢咁快就接觸娛樂圈。」
廣告斟母子檔
嘉欣經理人陳善之表示雖然嘉欣有喜，但仍有不少客戶爭相接洽，下月更接拍內地床上用品廣告：「有啲客戶更mark定嘉欣生完之後，（客戶要求母子檔上陣？）有人斟緊，但要視乎嘉欣意願。」公關公司IPS負責人Peter，也說已替嘉欣推掉不少活動，但因嘉欣愛行善，故會替她過濾工作性質。
另外，場內展示李嘉欣、余文樂和近年進軍荷里活的Maggie Q等以愛為題的攝影作品，稍後會作拍賣。
文：名人組