余思敏舊愛畀咗近30萬首期
鄭中基與蔡卓妍（阿Sa）今年三月宣布離婚，近月傳出他與有線娛樂主播余思敏（Sammie）撻着，有傳住開公屋的Sammie忽然富貴自置物業。但昨日有讀者向本報爆料，當日Sammie買樓的近卅萬首期，實為已分手的前男友陳朗（Max）支付，比對外間盛傳鄭中基對女友「照顧」周到之說，可能另有文章。
今年三月鄭中基與阿Sa被爆已婚四年，隨即舉行記招宣布離婚。最近二人分別傳有新戀情，阿Sa大方承認與師弟陳偉霆拍拖，反之與有線娛樂女主播余思敏傳緋聞的鄭中基，只稱是朋友關係，但女方自此被指忽然富貴，除一身名牌，原本家住上水公屋的她，更火速以二百多萬購入位於青山公路韻濤居單位自住，有傳是得到緋聞新歡鄭中基「周全照顧」。而棄影從商的富裕前男友陳朗（Max），傳與有線小花譚凱琪拍拖，結果負面新聞多多。
盼Sammie有安樂窩
日前本報接獲讀者來電爆料，自稱是Max多年好友，對於連日來有關Max的報道心感不值，要為對方討回公道。她說：「啲報道講到Max無情無義咁，其實Sammie能夠買樓，都係Max私底下出錢。當時佢哋已經分咗手，但Max覺得同Sammie拍拖七年，即使唔一齊亦希望Sammie有個安樂窩，所以畀咗近卅萬佢做首期，等佢同個妹夾份買樓。佢哋拍拖嗰陣，Max都成日買名牌氹佢開心。」
昨日記者就此事求證，到Max位於銅鑼灣開設的中醫診所。當時Max正在店內，當記者道明來意後，他起初拒絕接受訪問，後來離開公司見記者仍在等候，他才願意出來面談：「我唔係圈中人，自己做生意，真係唔想講太多，總之我哋分手絕對唔關第三者事。（有人爆料余思敏買樓你出首期？）我同佢兩個人嘅事唔需要向外交代，總之我唔想影響到佢。（畀人話衰人會唔會覺得好唔抵？）自己都冇辦法，唔通見到人都走去解釋咩？」
女方堅稱有能力買樓
記者致電余思敏直問首期是否前男友支付時，她表現甚為抗拒，只謂：「唔回應！（咁係咪鄭生送？）呢啲嘢唔回應！（回應嘅意思係咪層樓係你自己畀首期？）係，我自己有能力買。」
之後記者再聯絡Max，轉述Sammie的回應，當他得悉對方聲稱自己支付首期即頓了一頓，不停追問Sammie是否真的這樣說，然後語氣有點不悅說：「我唔想講大話，係，佢依家層樓係我幫佢畀部分首期。（有冇證據？）有當時買樓啲單據，冇得講大話。何況係我自己承諾過，即使分咗手都要畀佢一個安樂窩，絕對唔係Sammie要求，其他嘢我唔想再講。」
文：追蹤組