瘦星星：Yellow：食蕉反而會肥
狄易達師妹Yellow身形纖瘦，最高紀錄亦不過95磅，但談到瘦身，Yellow也有自己一套的方法，她說：「自己算係食極都唔肥，但都唔可以放縱自己，主要會挑選一啲比較高纖維嘅食物，好似西芹咁，同埋我唔會食太甜嘅嘢。」
Yellow表示很多人以為只食生果就可以減肥，但卻弄巧成拙，皆因有部分生果糖分甚高足以致肥，她說：「好似香蕉、西瓜咁都係屬於高糖分，食嘅分量同時要好小心。」
雖然身形不算肥胖，但Yellow就言自己有另一個煩惱，她說：「自己比較包包面，我覺得最好嘅瘦面方法就係做一啲帶氧運動，好似游水、長跑咁，都可以減少水腫，但一定要堅持先有用啦！」