寵壞你：廖碧兒寶貝仔入院驚到喊
廖碧兒可說是圈中數一數二愛狗之人，因她家中有七頭玩具貴婦犬，當中還三代同堂，熱鬧非常，不過愛犬Kahlua於數個月前坐骨神經線出現問題，最後要出動中、西醫再加針灸治療法，令碧兒擔心得以淚洗面！
Mac與Bailey一直是碧兒的一對寶貝狗仔，牠們於三年前誕下三隻愛犬，當中大佬Kahlua出世時肥肥白白，故碧兒從來不擔心牠的健康問題，豈料數個月前一個晚上，碧兒回家時看見Kahlua不斷「揉pat pat」，起初還誤以為要杜蟲，後來見牠站起來狀甚痛苦，即緊張得致電外籍獸醫朋友求救，還帶Kahlua到寵物醫院作詳細檢查，期間更進行了磁力共振，於這兩小時過程間，正等候檢查結果的碧兒心急如焚，更擔心得流下淚來。
手術前情況好轉
及後醫生診斷出Kahlua的坐骨神經出現問題，需要接受手術，雖然當時碧兒顯得不知所措，但仍接受醫生的建議，她謂：「醫生話佢一腫就會壓住神經線，所以要開刀將啲骨刺刮出嚟檢查，點知去到做手術嗰日，醫生檢查後話佢好咗30％，所以就話想試下中、西藥再加針灸，睇下會唔會好啲。」
七愛犬輪住陪瞓
期間Kahlua需要於寵物醫院留醫，碧兒即使工作忙碌，但仍每晚前來探望，而於醫生悉心照料下，Kahlua的康復情況理想，碧兒才展露笑容，她表示：「痊愈程度已經有95％，以前3到4日就針一次，依家2個月先一次，（咁依家會唔會偏心Kahlua？）有事嗰時就會，佢開頭返到屋企都唔慣，四圍屙尿霸地盤，我都忍唔住罰佢入籠！」
談到要面對七頭愛犬，如何分配時間照顧牠們？碧兒坦言有一套自家時間表，她說：「每日會同狗父母Mac、Bailey一齊瞓覺，仔女就輪住，啲孫就只可以朝早上床玩，佢哋好似知道咁，所以唔會嘈多半句。」
肥嘟嘟懶得郁
姓名：Kahlua
品種：玩具貴婦狗
出生日期：
2007年7月9日
性格：乖巧，肥嘟嘟懶洋洋，動作從不會多做
文：影視組