諸葛聽男友話 赴日無了期

早前自言會延遲到日本宣傳新碟的模特兒諸葛梓岐，昨日出席活動時表示，日本之行會繼續延期。「我媽咪好擔心，我都想件事快啲過去，日本方面都好理解我家人嘅擔心，（有冇損失？）我唔知，唔敢問，（影響喺日本嘅發展？）屋企人重要啲，（包括埋男朋友？）佢都係一分子，（叫佢陪你過日本？）佢好忙，成日都要四圍飛，連見面機會都好少。」

Baby冇期赴日

對於其下巴尖削被指整容，諸葛梓岐說：「我一出生就係咁尖，牙醫曾教過我點分真假，話木起個嘴後再摸個下巴係凹凸嘅話，即係冇整。我覺得整容唔係問題，但係我唔會整，連耳窿都唔穿得，因為相士同媽咪都話整容係破相。細個我穿耳窿即被媽咪罰咗幾日。」

另外，曾說會暫延到日本工作的名模Angelababy，其經理人Kim回覆，指Baby現在忙於拍攝多部電影，「日本方面都有催我畀期佢哋，但Baby真係好忙，真係未有期住，所以都未知幾時去。」而「鯊魚女」陳細潔本打算請員工到日本旅行，對於現在的局勢，她說：「會睇定啲，新年去，其實呢個世界真係好亂，好似邊度都唔去得，（影響你同日本嘅生意合作？）冇影響，訓練中心都喺日本鄉下地方，冇安全問題。」

文：名人組