Julie媽感無助「要上街」
名模Rosemary因在美國涉藏毒及撞車後不顧而去要休息避靜，其患病的母親Julie除了擔心愛女外，又和丈夫鬧離婚，更要半年內變賣渣甸山豪宅，把一半的售價分給對方，故Julie要上訴，至今能否上訴還未知曉。
由於Julie被丈夫凍結資產，要向朋友借錢度日，故接受本報電話訪問時，不時嘆氣說：「我真係好煩惱同無助，唔知點算，仲要依家我一身病，如果單官司真係咁唔公平，真係死咗去好過，激到想死！我真係嬲到想下星期上街！」Julie說女兒勸自己要放下，「個女話最緊要我健康，叫我放手，要賣屋分一半就分啦！但係我唔想益佢（丈夫），我情願將啲錢捐畀慈善機構！」她續說知道女兒會在設計師何國鉦的北京騷上復出，「真係患難見真情，佢男友、何國鉦同鄧達智都好錫佢，佢依家唔喺香港，我叫佢去散心，喺香港畀人影仲唔好！」