甄穎珊被叮獲賠萬幾蚊
Freeze成員甄穎珊被經理人公司狠批工作態度惡劣，被即時解約，本報昨日致電一元老闆蕭定一，他表示前晚收到甄穎珊短訊：「佢話已經否認咗因為推戲而被公司叮走，之後都冇通過電話，（賠幾多畀佢？）仲有三星期合約，（萬幾蚊？）大約咁上下！」蕭定一表示過往只要求過甄穎珊做瑣碎事，對方都多多意見，但就未有舉例說明。
甄穎珊舊拍檔陳樂榣、羽翹昨日出席活動時被問及此事，陳樂榣表示：「呢件事比較敏感，我唔方便回應，（佢話被公司逼全裸拍戲？）以前Freeze行性感都會有商有量，傾個性感底線去到邊，有晒共識，唔係話逼就逼！」對於Freeze面臨解散，她坦言感到可惜。羽翹認為老闆好好，未曾夾硬要求不合理的工作。
