林峯無懼緋聞幫阿佘鍊頸
林峯與佘詩曼前晚在天后拍攝《花花世界花家姐》，林峯駕駛靚車接阿佘。雖然緋聞男女同車拍攝，但兩人懶理緋聞，在鏡頭外表現得比劇中更親暱，林峯按按自己頸部後，不避嫌為阿佘按頸，連同場拍攝的梁靖琪（Toby）都笑說：「我唔會上車，好識做嘅。」
唔怕法拉威脅
另有指陳法拉將挑戰視后，對大熱的阿佘作出威脅，林峯大呼撐阿佘，阿佘則大方地讚法拉勤力及聰明：「佢本身廣東話唔好，用拼音死記，比一般人付出更大努力。（你有信心？）遲啲先講，未知有冇份入圍。」而視帝大熱林峯被問及獎項問題時說：「唔好問呢啲，年年都係呢啲，滿意今年嘅成績，角色令觀眾記得已經好好。」Toby則謂提名飛躍進步獎已很開心。
祝福陳蔡戀情
對於近日蔡卓妍與陳偉霆公開戀情，林峯稱與女方合作時未有發現拍拖迹象，並祝福他們。阿佘就對其電腦加工透視照在網上預售感驚訝，大嘆公眾人物要驚恐地出席活動感無奈，並促政府立例管制紅外線透視相機。
文：專案組