陳柏宇MK谷碟母驚喜撐場
陳柏宇（Jason）昨日為新專輯到旺角出席宣傳活動，獲母親神秘現身支持，令Jason感動得眼紅紅，更肉緊多次錫母親額頭，Jason說：「佢專登喺加拿大返嚟，真係唔知佢返香港。（冇叫佢返？）唔想佢嘥機票錢，因為都幾貴。」Jason表示為答謝母親支持決定將工作押後，他說：「用多啲時間陪佢。（錫母親咁多次唔尷尬？）唔會，我成日錫屋企人。（出面嘅女仔都係咁錫？）社交接吻就好少。」至於會否送新碟給緋聞女友裕美？Jason大方說：「佢要求會送，我哋有聯絡，佢做緊教會嘢，佢有叫我信主。」
