丁子高冧千嬅肥瘦都愛

丁子高與曹敏莉昨日出席「鴻鸞星動十婚愛@海港城」，為十對準新人證婚。丁子高談到與千嬅的婚事時，表示以簡單為主，禮金方面就交由大人處理，問到一百幾十萬是否少不了？他笑言：「一百幾十萬唔得，呢啲係一世。（咁一億幾千萬？）我呢世實會畀佢。」

妻性感唔呷醋

另外，對有傳千嬅以羊腸線瘦面，丁子高代妻澄清，指千嬅只是用針灸治哮喘，面瘦全因努力減肥所致，他說：「佢真係冇食飯，好勤力做運動，我因為陪佢都瘦咗，由168磅變咗160磅。」又不忘冧妻說：「佢無論肥、瘦都係我杯茶。」雖然千嬅瘦了，但無礙上圍的視覺效果，他說：「演唱會入面嘅歌衫，Push得到嘅佢都有Push，視覺上升咗兩Cup。（歌衫太性感？）唔會，亦唔會因為咁而呷醋，反而佢叫我唔好去睇佢同林峯拍嗰套戲。（有親熱戲你冇眼睇？）我會當鬼片咁睇，用手指罅去睇。」提到千嬅的好友、台灣女星陳喬恩會到港欣賞千嬅演唱會，丁子高即開玩笑稱要介紹林峯給陳喬恩做男友。

今個月結婚的曹敏莉，稱現忙於籌備婚禮，問到蜜月地點，她坦言：「老公話想畀個驚喜我，所以冇同我講，但我估到。（蜜月時順便造人？）順其自然。」

農夫摸臉驗證

另外，前晚千嬅舉行第三場個唱，由農夫及黃耀明擔任嘉賓。農夫不忘搞笑本色，C君與陸永一唱一和，爆陳奕迅是千嬅舊愛，又摸千嬅臉頰，想檢查她是否有打羊腸線，令全場爆笑。至於黃耀明則當眾問千嬅要嫁女餅，並大讚千嬅：「今日見到你好驚喜，彈結他同埋舞藝都進步咗好多，我都想自己係咁。」千嬅回敬對方有心有力一定可以。

文：名人組