周秀娜情侶檔和味又開心
剛從日本回來的周秀娜（Chrissie）稍後又要到澳洲工作，經常周圍飛不禁令男友Avis投訴，幸好昨日兩人有機會以情侶檔一起工作，工作之餘又可以爭取時間見面，寓工作於拍拖。
Chrissie昨日與男友Avis以情侶檔出席亞洲首屆飛行日活動，實行拍拖搵真銀。作忍者打扮的Avis上演一幕英雄救美，從「壞人」手中救出Chrissie，逗得女友十分開心。
想試吓跳海
現場有多隊參賽飛行隊伍推着飛行器從高台衝下海企圖飛越維港，Chrissie看得非常雀躍的說：「我今日唔會跳，因為保險公司唔受保，其實我都想試吓跳，但今日工作唔跳得，睇吓第時有冇機會。（同男友拍住拖做嘢喎。）我哋唔係第一次同場，不過都好開心，做嘢之餘又可以見面。（情侶檔會唔會多啲酬勞？）酬勞幾多真係唔知，公司傾嘅，不過一定唔會分薄咗。」
Lisa驚魚咬
前晚Chrissie始從日本回港，在當地並沒有遇到排華情況，三日都在影樓影相，不見天日，幸工作人員及日本經理人都好照顧她。稍後她又會到澳洲打碟，經常周圍飛男友可有投訴？她坦言：「有呀。」再問她可會帶同男友到澳洲？身旁的Avis即說：「佢唔帶我去呀！」同場的還有Jessica C.、Lisa S.及王敏德，後者出任比賽的評判，他說因仔女要準備應付學校測驗與太太留家溫習。Lisa S.說不敢像參賽者衝入海：「個海咁深，我驚會畀魚咬。」
文：名人組