黃宗澤自認玩弄感情
由緋聞男女黃宗澤及胡杏兒主演的電視劇《跑馬場》，昨日在深圳舉行新聞發布會，杏兒因事缺席，留低黃宗澤獨個進行簽約儀式，不過杏兒亦預先錄製片段講感受。
黃宗澤透露劇中將與杏兒、張娜拉及另外一名女演員有感情戲，問到會否因對到悶而不揀杏兒？他說：「我冇權話事呀！其實我哋之前好少合作，今次可以奉旨談情半年！（親熱戲？）未知，但我預咗有。」提到愛犬去世，可獲杏兒安慰？黃宗澤說：「微博安慰囉！（影響拍攝情緒？）演員係玩弄感情嘅職業，當然要表現專業，但靜落嚟一個人嘅時候，情緒就會低落。」至於監製徐小明被問到黃宗澤與杏兒情侶檔演出是否特別貴？他說：「合理嘅，佢兩個合作，Noise都大啲啦！」