Toby大晒事業線恨嫁搶花球

Toby與羅仲謙昨日到昂坪360出席《360idream十全十美結婚派對》，身穿低胸裝的Toby大晒豐滿上圍，驚人事業線震懾全場。兩人與多對新婚男女打成一片，又不顧儀態搶花球，Toby無懼走光飛撲，阿謙更企上櫈攝位，最後兩人成功搶得花球，不過阿謙表示打算十年後才結婚。

盼卅歲前結婚

面對多對幸福新人，令Toby恨嫁之心蠢蠢欲動。廿七歲的她表示每年十月十日都是好日，希望可以卅歲前結婚，然後一年內生ＢＢ。問到與男友發展如何？她即扮傻說：「邊個？拍劇嗰個？哈哈！」其後才大方透露感情穩定及開心：「如果影到我拖手都係結婚對象o架喇！（恨嫁？）個個女仔都期待o架啦！（將來會唔會秘密結婚？）呢個世界冇秘密，到時一定會講，但唔想喺香港搞，想去有陽光海灘嘅地方。之前家姐結婚，佢唔係圈中人都搞咗兩日。」

近來忙於處理婚禮策劃公司的Toby雄心壯志，表示生意愈搞愈大，希望可在香港及上海開舖，然後上市。

恨嫁的梁靖琪心急搶花球，羅仲謙更企上櫈攝位。

兩人合巹交杯，儼如一對新人。

沒有否認緋聞

至於阿謙被問到感情生活時，Toby即插嘴說：「同傅小姐吖嘛！」聞得緋聞女友傅穎之名，阿謙即尷尬得口啞啞，但他沒有否認緋聞：「想留番幻想空間畀大家，其實仲搵緊呀。（搵老婆？）女友同老婆都係。」他又問Toby可否介紹結婚對象，令Toby靈機一觸，心郁郁想搞埋徵婚生意。

文：影視組