鍾舒漫（Sherman）前晚以Rock友造型出席音樂會，自彈自唱代表作《給自己的信》及新歌《童話國》。她表示因緊張過度而肚痛，她說：「其實次次緊張都係咁，不過已經冇之前咁痛。」
Sherman透露為免出現走音情況，個多星期前已開始日夜練琴。她說：「彈到手指都乾晒。」即被記者取笑沒有愛情滋潤，抵死的Sherman哈哈笑說：「係啦，彈到dry晒。」她又稱有意學打鼓：「女仔打鼓真係好型，我對節拍感都好強，可以考慮吓。」
Sherman穿上Just Cavalli窩釘皮褸襯Zara黑褲出席活動，令人眼前一亮。她自讚皮褸極度有型：「着咗自信都多咗，身為藝人一定要有一件皮褸傍身。」
