周秀娜發起自救行動
郭晶晶慘遭透視偷窺，貴為龍友女神的周秀娜、尹蓁晞（Yumi）、趙碩之、莊思敏和陳靜（DaDa）等o靚模發起自救行動，周秀娜以內衣防反光片力抗紅外線，並直斥狂徒：「我覺得呢啲不法之徒真係好賤格，我最鄙視呢啲人，自己睇之餘仲要放上網，一啲唔識尊重人！我諗以後出活動都要喺內衣暗格加塊反光片，防X光照射，但其實真係避無可避，真係唔知點算，總之大家唔好再助長歪風！」
Yumi或戴護陰罩
Yumi、趙碩之和莊思敏分別表示會買大量乳貼和護陰罩，趙碩之說：「呢件事好離譜，但我諗唔會影響霍啟剛同郭晶晶嘅感情，因為晶晶都係受害者。」
早前承認隆胸的莊思敏說：「我真係唔知啲紅外線有幾勁，唔知會唔會透視埋胸部入面，希望有人研究到可以阻擋紅外線嘅Bra。（叫男友吳浩康戴護陰罩？）可能會叫佢包膠，護陰罩就唔好喇，太澎湃！」
DaDa亦說：「真係好慘，如果係我實喊死！我都擔心成為目標，之前都聽經理人講，試過有人將我啲胸同腳部特寫放上網站，好激氣但冇辦法，惟有小心啲，考慮買大量乳貼，日日貼住出街，當然希望發明呢啲透視功能嘅人，可以發明破解方法，保障個人私隱。」