貪靚的尹蓁晞（Yumi）平時愛玩自拍，她說︰「想將每個工作拍低同人分享，自己又可以當係一個回憶。」不過Yumi對拍照不太講究，只要影得靚就收貨。她笑言現今科技發達，電話亦可以影靚相，故每日拍幾張照片已成習慣。她說︰「每日出去做嘢定係喺屋企，都會影幾張相，有時見到啲得意嘢都會影低，可以話去到邊影到邊。」除玩自拍，Yumi亦喜歡拍攝天空，對天上的雲情有獨鍾︰「細細個就覺得天上嘅雲有好多變化，唔同形狀，睇落好靚。」
Yumi坦言中了自拍毒，去到邊都把握機會玩自拍。她說︰「梗係影自己最靚嗰面，當一個回憶。呢張出活動時影，我自己玩自拍時被助手影低，覺得好得意。就算電話叉緊電我都會照自拍，習慣咗。」
早前Yumi到台灣小休兩日，到遊樂場遊玩當然要影相。她說︰「細個好鍾意坐摩天輪，去到最頂嗰時望落去啲風景好靚，事物變得好細，有一種高高在上的感覺。」
自小愛上天上白雲的Yumi說︰「細心留意天上白雲，會發覺形狀不斷轉變，有時喺建築物隔籬，變化更大。曾經見過有雲似鷹或者其他動物，所以每當見到天上白雲有唔同形狀，都會影低返屋企慢慢睇。」
除留意天上白雲變化，Yumi對雲海亦感興趣︰「呢張係放工時影嘅，嗰時係夕陽，覺得好靚，而且白雲同海連成一線好少見，所以影低。」她又謂當時望着橙白色的天空，心情特別輕鬆。