陳豪暗寸林峯未夠班爭視帝

陳豪憑《公主嫁到》人氣急升，昨晚他與林莉、歐陽妙芝、何國鉦、新人黃千肯等出席運動用品新店開幕酒會，對有傳他與黎耀祥聯手阻林峯爭視帝，陳豪明撐祥仔冧莊，揚言不介意讓獎：「如果畀我揀都係撐祥仔，佢要攞一定畀佢啦，祥仔係好多人心目中的男主角！」更說有興趣追看《巾幗梟雄之義海豪情》，人物配搭和劇情也很吸引。

唱歌係阿峯強項

問到林峯是否冇機會？陳豪笑言：「唔好咁講，佢又開演唱會又拍戲，點會冇機會呀？阿峯係好多年輕人嘅偶像，靚仔、唱歌又好聽，唱歌仲有好大發展空間，呢啲都係TVB成功塑造出嚟嘅。（即係話佢唱歌好過演戲？）唔好咁講，但祥仔同我都喺呢行浸咗咁耐，大家都feel到我哋嘅辛酸，反而阿峯就冇咁多，但唱歌係佢強項，我同祥仔嘅強項就係做戲方面。」談到緋聞女友廖碧兒奪得十大衣着，他讚對方着衫OK，亦毋須向他請教！

黎耀祥、林峯（資料圖片）	林莉穿短裙騷長腿。	歐陽妙芝、何國鉦是時裝界老拍檔。

楊洛婷買樓升值

此外，身為司儀的楊洛婷最近一個月密密接job，收入大增，問她是否儲錢結婚？她說：「唔係男仔儲咩？呢啲未諗，趁後生買樓先，好彩上年買咗樓，升咗10%，但我裝修到全間屋以hot pink為主調，擔心冇人會買。」

文：專案組