基仔火炬起孖益仔女
容祖兒、蔡卓妍（阿Sa）及古巨基三位英皇歌手獲邀為11月廣州主辦的亞運會擔任火炬手，三人感到非常榮幸，曾擔任奧運火炬手的基仔表示好好珍藏兩支火炬，世代相傳。
亞運會將於下月12日於廣州隆重舉行，今次大會邀請到2,010位火炬手，其中祖兒、阿Sa及基仔獲安排於廣東省不同的地方傳遞火炬，為香港歌手爭光，其中打頭陣的基仔將以演藝界代表身份於下周三（13日）於中山市起步，他表示：「真係好開心同榮幸，今次再做『火炬基』，上次奧運火炬放喺屋企，今次可以好事成雙，將兩支放埋一齊，索性做埋家傳之寶，留畀下一代紀念。」
「出山」支持
祖兒及阿Sa則分別於下月9日及11日於廣州市傳遞火炬，祖兒近日正閉關籌備演唱會，為了作最佳準備，她推掉不少工作：「不過今次亞運喎，國家盛事嘛，幾忙都要『出山』支持啦！」
睇埋開幕式
而首次傳遞火炬的阿Sa坦言心情非常興奮，笑言要向祖兒同基仔偷師：「我傳完火炬之後一日就係開幕喇，好想睇埋開幕式先走，拎住支火炬當入場券得唔得呀？哈哈！」
另外，電台DJ朱薰將於明日（10日）與男友阿榮（即樂隊Mr.成員Dash的孖生細佬）拉埋天窗，朱薰將踩足兩場，下午於中環梅夫人婦女會註冊及舉行酒會，晚上於W酒店設宴，據知祖兒、何韻詩、楊千嬅、黃偉文等都會出席。
文：音樂組