嘉玲降呢 栢芝明搶主角位
劉嘉玲與梁朝偉近期各有各忙，聚少離多，難怪她昨日出席活動時大呻近日不見老公蹤影，不過，嘉玲稍後仍要忙拍賀歲片，且要與產後復出、身價比自己還高的栢芝爭戲份，相信到時想理老公都唔得閒。
剛於台灣完成電影《狄仁傑之通天帝國》宣傳的劉嘉玲，昨日出席合作了12年的SK-Ⅱ產品活動，透露近兩個月不停為電影宣傳四圍飛，故時差尚未調整好。
偉仔手傷未痊愈
問到偉仔皮膚如何？嘉玲即賣花讚花香謂：「我覺得男仔皮膚唔使咁矜貴，粗粗哋都可以，最重要係水分同清潔方面要注意下，偉仔就愈來愈好，佢依家食得健康，有運動血液循環當然皮膚好。（你有冇同偉仔護膚？）都見唔到佢，見到就會，呢啲係情趣，可以增進感情。」嘉玲還透露偉仔手傷尚未完全康復，現時拍打戲要「就住打」，還要以物件來支撐。
稍後嘉玲原以第一女主角身份，接拍黃百鳴賀歲電影《最強囍事》，但該片卻殺出個產後以百萬日薪復出的張栢芝，身價更遠超傳聞五百萬片酬的嘉玲，戲份亦須重新調整，以栢芝的千萬片酬計算，戲份亦自然不會比嘉玲弱。過往兩人合作的《性感都市》、《絕世好B》嘉玲都是第一女主角，而栢芝只是第二女主角，如今栢芝卻強勢復出，明顯將嘉玲壓下去。
否認與君如不和
對於劉嘉玲與張栢芝在賀歲片爭戲一事，黃百鳴說：「唔會，冇呢個問題，會好平均，（海報點企位？）到時先算，唔會好麻煩，我哋套套大片，會處理到。（唔怕嘉玲唔開心？）唔會。」黃百鳴續說：「今次製作費預計5,000萬，嘉玲配子丹、栢芝配古仔，仲有熊黛林同杜汶澤，（嘉玲好耐冇拍喜劇？）佢好有經驗，做乜都得啦。」
而日前現身商天娥婚宴的嘉玲，對於有指當晚與傳不和的吳君如同枱卻零交流，嘉玲對此哈哈大笑，表示兩人平日也有通電話，當晚亦有拍照及閒聊。
文：影視組