千嬅台上亂噏 丁子高嚇到面青
楊千嬅前晚在紅館舉行首場演唱會，罕有地rock友上身，首次在台上彈結他。好友陳奕迅為她擔任嘉賓，戴上頭紗的他獻唱千嬅的《姊妹》，在微博上自封「吹神」的他與千嬅「吹」足十五分鐘，更拿千嬅被指植入羊腸線的報道開玩笑：「咩係羊腸線呀？你親戚呀？大家好，我表弟羊腸線！」狀甚興奮的陳奕迅還主動「趷籮」畀觀眾摸，又在台上表演勁舞，卻因動作太大爆衫，令千嬅笑到跪在地上，最後兩人不忘抱抱兼錫面，場面溫馨。
千嬅之後向觀眾狂送禮物，但她誤將送觀瀾湖的優惠券說成送二百萬的會籍，嚇得坐在觀眾席的老公丁子高不停揮手糾正千嬅，期間提到工作遇低潮時感觸落淚。
完騷後，千嬅笑指老公「發咗癲」：「我講錯咗，嚇到佢面都青埋！（老公點睇性感舞步？）佢都冇理我，不過就話平日都唔覺我練呢啲嘢。」至於被指羊腸線修身，她即騷「老鼠仔」，並強調身上絕冇羊腸線：「呢啲嘢冇得用針拮，我係有做針灸，不過係為咗哮喘！」她自爆被歌衫的射燈燒到手臂，但無大礙。
