江若琳谷3D事業線 余文樂速逃
江若琳鮮有性感露事業線出席首映，獲好姊妹楊丞琳以中性打扮「讓步」，卻慘被特約演員扮鬼搶鏡，余文樂即場被嚇到哇哇大叫，速逃落台避開，狀甚搞笑。
3D鬼片《童眼》前晚舉行首映，主角江若琳、楊丞琳、余文樂等由各地歸隊出席，其中江若琳身穿Kolset性感短裙亮相，事業線乍現，她笑說：「配合部戲3D主題嘛！條裙好窄，加上之前冇食嘢束到我有啲胃痛。」
自認稱職「男友」
同場的楊丞琳以較為中性化的西裝褸亮相，江若琳否認搶鏡，直言對方「英俊又靚仔」，當正她是「男朋友」，楊丞琳亦笑說：「江若琳年紀比我小，是我小妹妹，在威尼斯我的打扮也會比較中性，所以她每次見我都叫我男朋友，她今天非常漂亮，非常可愛，我也是非常稱職的『男朋友』。」
舊愛見面不尷尬
兩位靚女在場未及特約演員扮鬼搶鏡，台前幕後大合照時，扮鬼的女演員突然出現，嚇到站在旁邊的樂仔哇哇大叫，邊叫邊跑落台，狀甚搞笑，問到他似比其他女演員更為膽小？他說：「真係驚o架！佢好濕立立，畀佢嚇一跳，摸落嚟好濕，同埋我又有潔癖！」問到與舊緋聞女友楊丞琳同場會否感尷尬？樂仔說：「大家都知緋聞好假，佢都有問我去唔去台灣宣傳，大家間中有見，雖然唔係話好好朋友，但無嘢囉。」
文：影視組