JC懶理謠言keep住怪肚臍
Jessica C.（JC）因凸肚臍形狀古怪而被指從該處植入矽袋，再次捲入隆胸疑雲，昨日她在時裝活動中為隆胸解畫，指肚臍古怪是穿環所致，堅決否認隆胸。
Jessica C.昨日出席時裝店ZTAMPZ開幕活動，為新店擔任剪綵嘉賓。她雖然穿上闊領連身裙，但卻密實地「封胸」，僅騷出一雙長腿。她早前出席胸圍騷時露出凸肚臍，因為肚臍形狀古怪，而被質疑曾接受由肚臍植入矽袋的隆胸手術，未知是否受到隆胸傳聞影響，她昨日刻意收起招牌「警鐘胸」，免得再被外界研究。
男友讚得意
Jessica C.並不是首次被指隆胸，其助手前日已給她看過隆胸報道，對於是次肚臍隆胸疑雲，她一笑置之，並坦言在胸圍騷中已感覺到被狂影肚臍。但她就否認隆胸，並解釋說：「其實係穿臍環個疤痕，我覺得我個肚臍好型，唔會做咩手術去改變佢，我男友都覺得我有個得意肚臍，同其他人唔同。（之後再用臍環遮住？）呢個係形象，唔會特別用臍環遮住佢，其實我初初嚟香港做嘢都係咁，只係依家先畀人講。我都有穿到脷環，但為咗外形整潔而除咗。」
文：專案組