基仔手腳修長勝陳奕迅
已是第二次獲傑出衣着獎的古巨基開心地表示：「03年第一次攞獎，當時喺香港，依家伸延到大中華區，可以嚟到上海我覺得好榮幸。自己近年都有設計自家品牌同衫，多咗心思放喺時裝上。」
問到平日可會由緋聞女友Lorraine為他配搭服飾，他即鬼馬地反問：「吓，邊個女友呀？係掌櫃呀？平日唱歌嘅嘢有公司英皇幫我，Lorraine負責生意同店舖嘅嘢。（你同陳奕迅嘅衣着比較？）吓，又比較？唔好成日比較啦，大家風格唔同，我自己都幾鍾意Eason着衫嘅味道，大家感覺唔同，各有各好。我啲fans話我手指同雙腳好修長。（咁係咪對腳比Eason優勝？佢短粗。）邊部分先？我唔評論人喇，話我手長腳長都係fans講嘅。」而大會於現場放置了多個玻璃櫃，展覽梅艷芳、陳慧琳等由本地時裝設計師所設計的經典歌衫。
