婷婷撐Lucas唔百厭

昨日謝婷婷和關楚耀出席「Trick-or-Treat for UNICEF萬聖節籌款活動」，婷婷透露今年萬聖節將會與男友安志杰一同扮超人，問到姪兒Lucas會否扮鬼扮馬？她笑說：「佢會dress up，佢自己揀扮乜，上年佢就扮警察。」問她對謝氏兩兄弟會否偏心？她說：「佢哋年紀唔同做嘅嘢都好唔同，Lucas可以同我一齊做好多嘢，但Quintus仲好細個，成日瞓覺，加上佢太重我抱唔到佢，所以冇乜交流。（Lucas有冇百厭嘢？）佢一啲都唔百厭，係一個標準小朋友，唔會一舊飯，又唔會過分興奮，如果我攰時同佢講話想抖吓，佢識得自己行埋一邊畀我休息，佢好明白事理。」她又笑言Lucas很有表演欲，聽到音樂會唱歌和跳舞。