楊采妮精彩單身樂做盛女
昨晚楊采妮出席品牌活動，表示看待緣分抱着順其自然態度，更言樂做「盛女」，認為單身生活也可活得豐盛精彩。但同場以透視裝上陣的模特兒周倩圯，卻坦言單身寂寞已久，想趕快找個如意郎君閃電結婚。
昨晚女星楊采妮（Charlie）、模特兒周倩圯、Jocelyn、著名時裝設計師何國鉦等出席Salvatore Ferragamo及施華洛世奇合辦的《Step into Pink》派對。以Ferragamo連身裙示人的Charlie，皮膚比前黝黑，她說拍戲後常游水而曬黑，更透露早前參演徐克的3D新片終可做回真女人。
開戲碌爆人情卡
Charlie說：「今次係第四次合作，可以話係見證我成長過程，今次係第一次做番女人。之前喺佢啲戲都係做梁祝或者係男人外表女兒身，今次飾演律師。」曾言會執導新片的Charlie，說預計在年底或明年初開工，笑言要碌爆人情卡幫忙，更言該片是談及人性，不是愛情片。至於何時找到愛情，她說：「依家好專注工作，（好友如李心潔都已婚，會影響你想快結婚？）心潔婚後都成日同我哋一齊，唔會影響，順其自然。」對於莫文蔚樂做「剩女」，Charlie反說樂做「盛女」，覺得人生要豐富，最緊要是開心。
透視裙真空上陣
另外，以品牌透視連身裙示人的周倩圯，直言是真空上陣，只有貼乳貼，不過現場所見，她似乎有戴nude bra。周倩圯說：「冇唔自然，今次戴bra就會影響美感，之前喺巴黎影相好多時都係真空，香港係好多人會戴有色眼鏡，喺外國真空好正常。」她續說在巴黎冇艷遇，「見好多朋友都結婚生仔，都好想快啲拍拖，我單身寂寞好耐，如果遇到啱唔排除會閃電結婚。」
文：名人組