莊思敏鉗實吳浩康隨時結婚

莊思敏與男友吳浩康（Deep）拍拖多年，早前傳出Deep努力賺錢準備明年迎娶莊思敏，昨日莊思敏出席活動時，澄清男友未正式求婚，對男友教泰拳兼落手落腳做美容網站努力搵銀，表示欣賞，她笑說：「我會用蟹鉗鉗住佢，講笑啫！我自己冇計劃結婚，可能突然結都未定，但希望唔好有BB先結，（有冇問番Deep？）冇，我都想知佢個新娘係邊個。」
莊思敏（左）與中巴出席「秋日蟹節2010」活動，齊齊拆蟹。
莊思敏（左）與中巴出席「秋日蟹節2010」活動，齊齊拆蟹。

另一出席嘉賓混血女模中巴鄺敏慧透露瘦身成功，由以前「大巴」，回復現時「中巴」身材，目標減到100磅以下做「小巴」，瘦身後有追求者，但未有合適，揀男友首要看清楚對方。

中巴冷不防露bra帶搶鏡。
  • 中巴冷不防露bra帶搶鏡。