曹敏莉表孝心未嫁先敬茶

曹敏莉月尾將與未婚夫張家傑(Jacky)結婚。兩人早前更遠赴美國探親並向八十八歲婆婆敬茶表孝心。另外,曹敏莉又透露正籌備神秘蜜月之旅,心思十足。

曹敏莉本月二十八日將在四季酒店擺喜酒與金融才俊張家傑(Jacky)拉埋天窗。由於曹敏莉的八十八歲婆婆避免舟車勞頓,將不會返港出席婚禮,故曹敏莉早前便帶同未婚夫專程到美國向婆婆敬茶問候及順道探望其他親友。

籌備神秘蜜月

問到曹敏莉婆婆對Jacky印象,她表示:「婆婆今次係第二次見Jacky,佢對Jacky嘅印象好好,大讚佢好乖,係一個好女婿,仲祝我哋白頭到老。」曹敏莉又透露婆婆也催促他們開枝散葉,下次再返尾美探望時要抱着小孩。

探親後曹敏莉順道往拉斯維加斯旅遊,問到是否當作蜜月之旅?她說:「唔係,度蜜月會喺婚禮之後,Jacky籌備緊嗰神秘蜜月,佢唔肯講去邊度,話到時咪知囉。我到依家都未估到去邊,不過,到時我負責執行李,都應該有啲蛛絲馬跡嘅。」

婚期近未緊張

講到婚禮籌備情況,曹敏莉指已進行得七七八八,稍後會再與姊妹商討婚禮流程,待嫁的她指雖然婚期愈來愈接近,但暫時未有緊張感覺。

採訪:影視組