官恩娜按胸唔使男友幫手
官恩娜（Ella）和名模陳沛嘉昨日出席某醫學美容中心開幕，穿上DVF封胸裙的Ella比低V上陣的陳沛嘉失色，Ella大方說：「佢好身材嘛，我唔好獻醜啦。」
Ella自嘲年紀漸長，皮膚愈來愈差兼易鬆弛，問她胸部有冇鬆弛？Ella尷尬說：「我身材唔好，冇乜危機，之前有前輩教我幫胸部按摩會大啲，但我太懶。（叫男友幫手？）唔好，專業人士啱啲，唔專業整差晒。（男友有冇讚你皮膚好？）呢排好慘，成身敏感出粒粒，痕到瞓唔到抓損晒，擔心啲人以為我爛肉。（對男友敏感？）吓，唔會啩，醫生話可能係蟲。」