祖兒搵司機共遊愛情路
【劉慰思巴黎直擊】每季巴黎時裝周總是星光熠熠，容祖兒、樂基兒、范冰冰等分別被不同的法國著名品牌邀請到當地睇騷兼shopping。祖兒有幸與時裝界猛人及名人會面，不過多次到法國的她依然未有艷遇，笑言希望有個法國司機做男友。
祖兒於法國時間十月四日與好友黃偉文同場睇騷。優雅打扮的祖兒表示來過巴黎多次，不過今次第一次看時裝騷，她更大讚巴黎是全世界最靚的地方。
曾多次到巴黎的祖兒坦言沒有艷遇，她說：「次次都冇，童話故事唔會發生我身上。」問到想不想與法國男孩拍拖？她笑謂：「有！幫我揸車嘅司機係男人，係個法國司機，我唔介意男友係司機。」祖兒又稱之前曾想在巴黎租單車，最終都打消念頭：「我本來覺得好玩，但都冇實現，因為法國單車唔係舊式，好新穎。我都有買吓嘢，不過唔算瘋狂，仲撞到fans影合照添。」
樂基兒帶老公搵食
樂基兒則撇甩黎明到巴黎睇騷，她說：「八年前到過巴黎，依家感覺唔同，可能當時我得二十出頭，仲喺餐廳度撞見Karl Lagerfeld，不過當時唔識尖叫，亦冇乜反應。」問到會否與老公黎明結伴前來？她說：「會，應該要啦！都要睇番佢時間，我要試吓唔同餐廳，下次帶佢一齊食。」
提到Rosemary涉嫌藏毒，樂基兒說：「大家係朋友，我一向都唔會評論人哋嘅事，大家都有大家電話，佢有需要會打畀我，但我就唔會主動搵佢。」
另外，范冰冰、中田英壽獲LV邀請出席「Louis Vuitton and Paris」展覽，她更與法國著名女星嘉芙蓮丹露會面。