謝安琪懶理無綫唱好有線韓劇
謝安琪（Kay）為有線推出的台慶韓劇《同伊》演唱主題曲，不難令人推測她與無綫的關係將進一步惡化。昨日Kay出席「小同伊」甄選賽時，表示該工作由唱片公司負責洽談，但不清楚有否事前知會無綫：「總之每次工作都認真去做就OK，問心無愧囉。」
有指Kay入行五年即榮升「十大傑青」，昨日電台節目內有人質疑她的得獎資格，為此Kay回應謂：「我唔會唔開心，亦無後悔參選，因為學到好多嘢，不過都多謝有人質疑我，咁即係證明我做善事好低調，以後都會係咁。其實今年得獎唔係我個人榮耀，可以話係代表業界攞嘅。」Kay今天將出發前往韓國，為《同》劇主題曲拍MV，而她將首次在螢幕上穿韓服示人。