Mandy Lieu難得性感V贏前輩

名模周汶錡（Kathy）、李嘉慧（Sofie）和楊崢（Vanessa）三位靚女昨日齊以代言人身份，與擔任嘉賓模特兒的Mandy Lieu一同出席FANCL活動，並行Catwalk展示漂亮妝容。不過，穿上一襲貼身Deep V晚裝的Mandy大晒胸前事業線兼玲瓏曲線，甫出場即成全場焦點。當記者指她很性感時，她笑言：「唔知，件衫派畀我係咁。（你嚟到先知咁性感？）之前有試過身嘅，有幾套但呢套最fit我。（件衫你着得最靚？）個個着都會靚。（你搶晒鏡喎。）我唔覺，我哋全部都好靚。（你好少露事業線？）睇大會安排，最緊要靚。條裙好貼，今朝特登食少啲嘢。」

只買旅遊保險

Mandy又透露稍後將飛往日本拍攝電視節目，對於當地近日發生反華行動，但她表示不擔心：「其實我好放心，公司安排好安全，好照顧我哋，唔會有事。（唔驚突然畀人圍又或者辱罵？）唔會，我絕對放心。好似我之前去泰國都無事啦。（會唔會扮唔識中文？）唔會，我係中國人嚟。」她謂不覺得現在去日本比較敏感，亦沒有買重保險，只如常買了旅遊保險。

周汶錡多感慨

另外，Kathy表示跟Sofie和Vanessa三人已有兩、三年沒一起工作，更坦言十分懷念從前一起行騷的日子：「嗰時一班女仔喺後台柴娃娃玩同埋食嘢，有好多趣事，幾開心架。Sofie生完BB都仲係咁fit，大家到依家無論身形和皮膚都keep到，都好開心。（畀Mandy搶晒鏡？）唔好咁講，一齊做一個騷都係為件事好，唔係性感就係競爭對手。」

文：名人組