謝安琪膺傑青感動眼濕濕

Kay今年是唯一一位、並亦是以最淺入行資歷藝人身份成為「傑青」，昨日盛裝出席「十大傑出青年選舉2010」記者會的她，在致謝詞時心情激動眼濕濕，她表示多謝天父給予機會，讓她借助演藝人的力量積極行善外，亦感激提名人、2006年傑青、任職警隊的林景昇高級督察，同時亦多謝唱片及經理人公司一直的支持，讓她可以抽更多時間做善事，問她會否覺得攞獎太快？她說：「我入行以來，不斷有做扶貧、環保、助養孤兒等工作，受惠人士除香港外，仲有海外及大陸，有時我做慈善工作嘅時間比商演仲多。」

辛苦保密怕漏口風

Kay又說大會要求各候選「傑青」要保密，故九月頭得知獲獎時，也不可和家人分享，Kay說：「真係忍得好辛苦，尤其同家人，有時差啲漏咗口風，直至開記者會，我先同老公（張繼聰）講，佢喺微博恭喜我，我打算同家人食飯慶祝。」問她會否視「世青」為下個目標？她說：「未諗到，但呢次係一個好大嘅鼓舞。」Kay又說此獎是她最具意義的獎項之一。

問到會否提名老公張繼聰做「傑青」？Kay稱：「如果佢有呢個意向，我都會做提名人。」

網友質疑攞得太快

Kay老公張繼聰則表示戥太太開心，希望藉Kay對社會的貢獻，鼓勵更多青年人做善事。問他可會陪太太攞獎？他說如有時間一定會。

此外，Kay為有線外購韓劇《同伊》唱主題曲，日前拍宣傳片時更自彈自唱，盡顯天后級琴技。

對於謝安琪得獎，有網友質疑她「攞得太快」，matthew1990留言：「kay攞呢個獎好似快咗些少喎，我都想何韻詩有得拎，但選呢個獎個團體好似同宗教有關係。」而另一網民Rolls.Royce則覺得合理。

採訪：音樂組