瘦星星：李詩韻入夜禁食必瘦方式
藝人李詩韻自選美出道以來，在螢光幕前總以最佳姿態示人，似乎從未發胖過的她表示全因她定時習舞所致：「其實我一向都有跳開舞架，選美時仲因為跳舞而拎咗才藝小姐添！」身為「舞」林高手的詩韻很贊成以跳舞keep fit：「跳舞係全身帶氧運動，所以對於減肥好有幫助！」同時她又指定時放狗亦令她增加機會散步當運動。
在食方面，詩韻自言並無特別節制：「其實食咩都得架喎，只要keep住只食到7、8成飽，我食完嘢之後嘅20-30分鐘都唔會坐，咁就冇咁易有肚腩喇！」因為每種食物都有其營養價值，所以她表示不會特別避吃肥膩油炸的食品。
詩韻於keep fit之路上更有一個特別推薦：「只要連續2到3個星期，晚上7點之後唔好食嘢就得架啦！之前食咩都得，我試過幾次，真係明顯瘦到，好work！」