寵壞你：楊愛瑾當正Toffee係「老公」

楊愛瑾（Miki）對宣傳語句「停一停、諗一諗」大表支持，認為貓狗都有生存權利，帶得牠回家就要堅守終生照顧牠的承諾，Miki透露數年前已很想養狗，由於怕未能盡「母親」責任而打消念頭，直至年多前，父母家中的愛犬生了四隻狗仔，Miki下定決心孭起母親責任。

忠心最感動

Miki初時以「男朋友」來形容Toffee，她說：「佢好黐我，返屋企時佢一定會撲埋我度，有時唔開心，見到佢成個人都開心晒，真係好似男朋友咁款。」Miki大讚Toffee很有性，她說：「有次好唔開心攬住佢喊，佢不停咁望住我唔敢郁，最後用條脷舔乾我嘅眼淚，當時真係好感動。」她更笑說：「老公未必會對自己咁好，Toffee真係好忠心，真係可以做我老公。」

膽小要抱抱

Miki透露閒時會與Toffee行街拍拖，她說：「佢好乖o架，出街唔需要戴狗繩，一直跟住我行。」Miki踢爆Toffee很細膽，她說：「有次帶佢去遊船河，佢唔敢落水囉，死都要我抱住佢。」

勤洗「玩具」眼耳

不少藝人如蔡卓妍、洪天明、廖碧兒及鄧健泓等都有養玩具貴婦狗（Toy Poodle），其實Toy Poodle屬無體味犬種兼毛質較堅挺，可兩星期沖涼一次，但沖涼時不需加護毛素，免令毛質變軟難以修剪。不過，Toy Poodle的淚線較其他品種強勁，最好每日用洗眼水清潔眼睛，由於耳毛較多故很易積存污穢，建議四、五日就要清洗耳道，並順手剃走部分耳毛。Toy Poodle平均售價八千至兩萬多元不等。

文：音樂組