寧進唔心息誓返娛樂圈

前Cookies成員區文詩（Angela）昨日假海港城舉行新碟簽唱會，她的家人、好友寇鴻萍、寧進、羽翹、組合4anda等都有到賀，寇鴻萍全程匿埋後台休息室不肯接受傳媒訪問，而曾捲入無綫高層涉貪案的寧進表示最近忙於打理電單車行的生意，問到會否再做娛樂圈？他說：「一定會，等件事完咗先啦，我都好想返去，因為始終鍾意呢一行，（你有冇被起訴？）我冇事，不過都算係有關連人士，我有同陳志雲、叢培崑、錢國偉佢哋食飯，不過律師話唔可以提及案情，所以都冇問，但係我相信陳生係無辜！」
區文詩出新碟，好友寧進專程到場打氣。
區文詩出新碟，好友寧進專程到場打氣。

主持人公開讀出Angela前男友張栢文的sms以示支持，她表示非常驚喜，問到為何現任男友鈴木仁毫無表示，她說：「係我叫佢唔好嚟，費事喧賓奪主，佢有買我碟支持我。」

羽翹輕裝一道撐老友場。
  • 羽翹輕裝一道撐老友場。