中華小姐五強誕生 李曼姿兼奪時尚風采獎

昨晚一眾佳麗除了三點式上陣自我介紹外，還要進行才藝表演、問答環節等項目爭取出線機會。不過11位佳麗似乎水準參差，不但穿泳裝跳舞步伐不一致，就連評判也有點Hea，即使佳麗們於才藝表演有好有壞，他們也一味讚好，似乎有點欠缺專業，而表演嘉賓方面亦相當慳皮，僅出動旗下「巨聲一幫」何紫慧、許廷鏗、劉威煌來撐場。

整容可接受

身為評判的陳敏之與鄭嘉穎，異口同聲表示與一眾佳麗均首次見面，雖然有傳(4)劉丹曾經整容，但二人卻斷然表示會保持中立態度，嘉穎更謂：「其實整得靚可以接受，韓國好多明星都好靚啦！我哋覺得個個水準好平均，共通點都係一樣，希望可以入演藝界，（咁會唔會見完內地賽區佳麗，覺得香港代表陳庭欣壓力冇咁大？）都要睇臨場表現嘅。」而來捧場的港姐張嘉兒則超低胸大晒事業線。

佛山姑娘李曼姿泳裝上陣，身材平均。

張嘉兒（右）倒奶撐場，苟芸慧顯得冇嘢睇。