娥姐得個樣惡冇鬧老公
準新娘商天娥後日便是出閣大喜日子，昨日她為劇集《翻叮一族》宣傳時表示，婚禮已準備得八八九九，而瘦身廿五磅的她，現只得一百三十多磅，身邊朋友看不慣還說娥姐有肉地更好。瘦身後的娥姐大把本錢，結婚當晚的送客禮服，原是Deep V大露事業線，但她覺得太低而要求設計師升高一吋半，她說：「仲有事業線嘅，我唔想太谷胸，適中紮實就OK。」
問到待嫁心情如何？娥姐說：「唔知點，腦中只記住要講多謝，同埋致謝詞，要多謝老公仔、父母同啲朋友，（忙緊咩？）要美容同修甲，又幫父母扮靚，之前曾整過長指甲，去廁所時解唔開褲鈕，好搞笑！（被指當街鬧老公？）梗係冇啦，其實我唔笑個樣就惡，我係出外虎威，返家似羔羊！」