賭王精神好識講笑

三太陳婉珍被問到賭王何鴻燊的近況，她大讚何生身體好好，進展神速：「何生依家好好，可以自己行，又講到嘢。（係咪開始處理工作？）佢始終做過腦手術，而且年紀又咁大，唔可以廿四小時好似平常人咁，有時太攰都會少少亂，精神唔好時，會答唔到你問題，但若果瞓得好，佢狀態可以好好，仲識得講笑。（何生有冇想去旅行？）佢都想，但好多嘢都要睇吓點。」至於何生會否回公司處理事務？她說：「可能會，但呢個階段唔可以。」三太被問到何生入院時，對她來說是否最大壓力、最辛苦時刻？她說：「嗰時冇諗辛唔辛苦，只係諗盡自己力量去做到最好，令何生舒服、開心，諗點樣令佢有進展。」