G.E.M.怕豬腩肉趕客

身為九十後的鄧紫棋（G.E.M.）早前與十多位fans參與關注海洋污染問題的環保計劃，G.E.M.並擔任「海星計劃青年宣傳大使」，身體力行到海灘執垃圾致皮膚敏感也在所不計。

皮膚敏感

一向皮膚白淨的G.E.M.，透露當天在沙灘每隔半小時便塗一次防曬，不過回家後皮膚出現紅腫，即時要到診所求診，她直言以往甚少去沙灘：「真係好少，我咁鬼肥，唔想嚇親人，所以都好少去沙灘，記得上年生日去過沙灘，本來諗住睇日出嘅，但太攰最後都冇睇到。」問到可有和緋聞男友林宥嘉沙灘浪漫？她即時大笑：「唔好玩我啦，唔會呀！」

林宥嘉	身為年輕人偶像的G.E.M.希望參與有意義活動，做個好榜樣。

辛苦值得

G.E.M.坦言在家中甚少做家務，今次到沙灘執垃圾雖然感到辛苦，卻意義重大，她說：「細個都有做義工，但未試過去沙灘執垃圾，當我去到嗰陣真係嚇一跳，估唔到可以咁多膠樽，我哋執咗兩個鐘已經勁多，可想而知個海不斷被污染！」她又揚言會再參與此等活動，就算再皮膚敏感也絕不介意，她說：「呢件事真係值得關注，唔會介意小小苦楚，最多咪睇多幾次醫生囉！」

文：呂曉風　攝：沈健程　場地：海港城