汪詩詩撐紀香睇戲無罪
前晚甄子丹太太汪詩詩與其胞妹汪圓圓、陳霽平等出席Vintage Vins開幕酒會。詩詩對於日本女星藤原紀香被同鄉炮轟在釣魚島撞船事件期間欣賞《精武風雲．陳真》首映一事，為對方感到難過：「紀香只係支持電影，而且佢係藝人，睇唔同電影去學習好正常。我明白可能呢段時期敏感咗少少。」
詩詩又指有朋友認識紀香，知道紀香看完電影後大讚精彩及武打場面好看，估不到事後會引起軒然大波。另外，提起老公，她稱對方現身在內地拍戲，她笑言當地盛產榴槤，十分啱老公：「佢好鍾意食，可以日日食，有次佢返屋企，全身好大陣味，我叫佢返香港前兩日唔好食榴槤。」
至於陳霽平與趙世光姪兒趙式言拍拖近兩年，但未有結婚計劃，不過就大讚男友乖仔，並視對方為結婚對象。