吳綺莉爆女冇要求見成龍

曾為成龍誕下一女卓林的吳綺莉昨日專程來港出席護膚品牌La Mer酒會，已移居上海多年的她大談近況及對女兒的管教之道。同場還有任賢齊、模特兒楊崢及周倩圯等。

吳綺莉久未露面，昨晚身穿Escada 2011早春女裝到場，身形明顯比以前豐滿不少，問到是否因拍拖而心廣體胖時，她坦言現時未有男友，但就不乏追求者，而擇偶條件首要與女兒相處融洽，問到女兒這關是否很難過？她笑言：「好難講，人夾人。我個女好少管我，唔會叫我唔好拍拖。」

任賢齊自言愈來愈貪靚，揚言將來有需要不排除考慮整容及打去皺針。

最近忙於拍攝電視節目的楊崢終於可以鬆口氣，打扮靚靚出席活動。

不會追問往事

她繼而表示女兒明年便升讀中學，記者笑指女兒將開始有追求者，她認同說：「開始係青少年，會叫佢注意啲。（有冇灌輸性教育？）唔需要，佢哋依家好識，有電腦上網，唔同以前嘅年代，可能仲識得多過我。（教佢帶眼識人？）唔使教，我會教佢每件事都有好同唔好，冇話啱定唔啱，視乎你用乜角度睇。」她又自稱是嚴母，女兒很乖巧，不難管教。

吳綺莉又大讚女兒成熟，不會追問她的往事，她謂：「其實要講細個都講晒。（知唔知爸爸咁出名？）對佢嚟講冇乜秘密。（咁即係佢知爸爸係成龍？）基本上佢乜都知。（有冇要求見父親？）冇。我會教冇嘢係完美，一個人應該諗吓自己擁有啲乜，而唔係諗冇啲乜。」

做人應向前望

提到最近成龍受外界批評，她表示女兒不會閱讀中文報章，而她本人亦沒有時間留意，並淡然說：「事不關己，己不勞心，照顧好自己先，我好忙，又要教小朋友，都唔會留意呢啲八卦新聞，對呢件事我都唔可以評論。（以後成龍所有事都唔關你事？）做人應該向前望，講咗咁多年仲講悶唔悶呀？我個女都讀中學喇！仲攞幾十年前嘅嘢出嚟講，對小朋友都唔健康。」

文：名人組