林子祥葉蒨文合唱耍花槍
林子祥（Lam）前晚假理工大學舉行《Made in Love》音樂會，Lam的媽媽、一對仔女、朱玲玲等都有捧場。期間Lam更邀請太太葉蒨文（沙麗）上台合唱《零時十分》及《愛到分離仍是愛》，成為全晚高潮。
演唱時，Lam輕搭沙麗膊頭，又錫她的臉頰，非常恩愛。Lam說：「大家係咪好耐冇見佢？我都係！好耐冇見佢，又好耐冇聽佢唱歌，一聽就冧晒！」沙麗冧笑回應：「毛管戙！」台下觀眾即報以掌聲鼓勵。
Lam接受訪問時坦言很多年未有跟太太同台合唱，他謂：「我好鍾意呢兩首歌，咪叫埋佢一齊唱囉！（好耐冇見佢？）開玩笑啫。」他又透露明年已入紙申請紅館檔期準備開個唱，但未必邀請太太同台。