超儀自爆電親祖狄羅

本報前日獨家拍得奧斯卡影后瑪莉安歌迪雅為大導史提芬蘇德堡執導的電影《Contagion》在港開戲，參與該戲的還有荷里活型男祖狄羅與麥迪文及本地藝人何超儀。

有意領養小朋友

昨日何超儀與丁子高出席Max & Co.首辦相展及Trompe L'oeil手挽袋慈善拍賣揭幕禮，談到該戲進展時，超儀坦言收到最高指令要封嘴，問她是否會與祖狄羅合作？她故作神秘說：「你哋自己發掘，唔講得，不過我禁唔住興奮。」問到有否與對手相處過？她即忍不住口晒命說：「有個荷里活型男曾經嚟過香港出席活動，我哋同枱食過飯，當晚好多靚女圍住佢，但佢唔騷啲靚女，淨係猛同我講嘢。」06年超儀與荷里活男星祖狄羅曾在同一場合見面兼有合照，令該名「荷里活型男」的身份呼之欲出！

丁子高	超儀表示有意領養小朋友。

此外，超儀將推出新唱片，忙得不可開交，她坦言暫未有造人大計，反而有意領養小朋友。問丈夫陳子聰是否同意？她說：「佢肯。（爸爸何鴻燊呢？）唔知，呢排無乜機會見。小朋友係我哋未來，好想為佢哋做啲嘢。」

為阿婆怒打洋漢

超儀又指自己向來有使命感，曾為一名在蘭桂坊賣花的婆婆與洋漢大打出手，她說：「個阿婆身世好慘，成日見佢畀醉漢同外國人玩，我睇唔過眼，為個婆婆出手打交。（你實唔夠人打﹖）唔係，原來打交唔係用力而係靠道氣，估唔到我一個咁矮嘅女仔，可以嚇窒六、七個大隻洋漢。」

文：名人組