唐寧唔講有咗照飲凍嘢

現年廿八歲的唐寧，將於十一月與年長十三載、相戀三年的資深舞台劇演員兼導演鄧偉傑拉埋天窗。婚訊傳出後，一直有指她是奉子成婚，現與男友在大埔村屋過着隱蔽的同居生活。

婚事唔想鋪張

日前下午4時半，戴上帽子、穿上黑色鬆身衫、短褲的唐寧，獨自駕駛未婚夫名下的座駕離開寓所。當她駛至大路時，突然發現有記者追訪，隨即在附近路口掉頭折返。落車後，記者上前問她準備去邊？她即停下接受訪問：「我今朝先喺內地返嚟，原本諗住去媽咪屋企食飯，但見有記者跟，所以只好打消念頭，返屋企煮麵食。同埋唔想影響到媽咪屋企附近嘅鄰居。」對於近日被指懷有身孕，她例牌不作回應。再提結婚一事，她說：「唔會大搞，只想一家人低調食飯就可以。」另一日，唐寧在灣仔出席活動後，與助手步出時，即有fans上前要求合照，她亦有求必應，其後，她與助手駕車駛入火炭一個屋苑停車場，未幾已由另一出口離開。

唐寧昨出席活動，照飲凍橙汁。

唐寧唔去媽咪家吃飯，折返屋企。

家人要求公開

此外，唐寧昨日出席「2010灣仔漫遊」活動時，自言是「新界人」的她表示對灣仔的印象是充滿文化氣息的地方。她又謂因拍攝劇集忙到連婚事都要靠朋友幫忙。對於外界指她懷有身孕，呷着凍橙汁的唐寧即面露不悅說：「其實當初我連結婚都唔想公布，但家人唔想收收埋埋。（仲飲凍嘢？）我一向都飲凍嘢o架，（唔怕對BB唔好？）有會講，我真係唔想講太多私人嘢。」

唐寧（左）日前出席活動後，由助手陪返家。

放大圖片

文、攝：追蹤組