惠英紅憑《心魔》於剛過去的「海參威國際電影節」內封后，結果追平張家輝成七料影后，昨晚與一眾好友包括林建明、鍾慧冰及洪羅拔等慶祝，小紅獲不少神秘禮物「贈興」，令她開心不已。
至於未來工作動向，及會否乘勢加片酬，她坦言：「我睇劇本多啲囉，只要有好劇本，減價都冇所謂，好似依家我拍《獨臂刀》咁，都係收舊價。」有指李兆基收購無綫，小紅淡然表示：「我唔知，我淨係得份經理人約喺TVB。」
