黃宗澤廖碧兒爆笑鬼上身
廖碧兒昨日穿上低胸短裙扮邪惡水手，與黃宗澤（Bosco）出席萬聖節活動，風騷的兩人突然表演「嘩鬼十式」，o靚模上身擺可愛甫士搞笑，認真大唔透！
廖碧兒及Bosco昨日現身旺角，為一間萬聖節主題餐廳主持開幕禮，化上Smoky Eyes眼妝的Bosco出場時扮「甩骹」，自封「甩骨王子」，碧兒則穿上低胸短裙扮演邪惡性感水手，兩人在台上即場表演「嘩鬼十式」，猶如o靚模自拍，非常搞笑！
年紀大喜歡骨感
問到是否經常睇o靚模寫真偷師？Bosco即否認，只表示碧兒的裝扮令他聯想到o靚模，更笑言對方有潛質可將詠春糅合可愛Look，他說：「一本寫真都冇睇呀！係台灣綜藝節目教，我年紀大喇！對身材冇興趣，我鍾意骨感形。」碧兒即插嘴指Bosco對她這個「兒」沒有興趣，問到會否教胡杏兒「嘩鬼十式」？Bosco說：「都唔襯！杏兒係爽朗同Cool。（教佢另外十式？）講咩呀？好似好色情咁！」
易主傳聞冇影響
問到碧兒會否扮o靚模引誘陳豪？她說：「今日係畀觀眾睇。（叫佢買報紙睇？）我唔敢！你哋叫啦！」對於有傳恒基地產主席李兆基收購無綫，Bosco說：「我係小職員只有做好本分啦！（畀人挖角？）唔會，市面上咁多演員。（加人工？）係人都想加，但話唔到事。」碧兒則指就算轉老闆亦對她影響不大，因她尚有長時期合約。
文：影視組 攝：吳文聰