時間錦囊：熊黛林攻城狗仔 貼身解悶

來自內地的名模熊黛林（Lynn），貼身五大重要物中以狗仔Cookie的相片放在第一位，難怪她在「攻城」時，都要帶埋愛犬去「衝鋒陷陣」！她說：「幾年前一個人來香港，所以養隻狗仔作伴，依家我已經當咗佢係家人。
熊黛林電話存有愛犬照，可隨時解悶。
熊黛林電話存有愛犬照，可隨時解悶。

狗仔相

我如果飛去第二度做嘢，Cookie就會交畀人照顧，雖然我唔可以帶埋佢去，但一定會帶住佢張相，掛住佢都可以望吓解悶，跟住就會有動力去完成工作，快啲返屋企見佢。

  • 放大圖片

鎖匙　

自從我一個人住，屋企條鎖匙當然好緊要，冇佢我點返屋企？有次我趕時間出門真係唔記得帶，好彩我事先已經準備咗一條後備鎖匙交畀經理人Kim，如果唔係就分分鐘要「摸門釘」。

銀包　

銀包當然係唔可以冇，所有貴重物品好似證件同信用卡都放喺銀包入面，萬一唔見咗，所有嘢要去重新補領就非常麻煩。

熊黛林貼身物品大晒冷。
  • 熊黛林貼身物品大晒冷。

水　

水係生命之源，我有個習慣，係每日都會飲8杯水，而且唔可以用其他飲品代替。所以有時出外工作，我都會自備一樽水補充水分，咁樣人都會精神啲，靚啲。

電話

我每日嘅工作都會記喺電話嘅記事簿入面，就好似我嘅貼身秘書，若冇佢就冇安全感。