腸癌擴散馨姐求援藥費
「啲藥費真係好貴，真係冇辦法可以畀到（藥費），我唔想因為冇藥食就冇得醫！」袁慧馨的丈夫多年前遭癌魔奪去性命，獨力養大兩名女兒後，年前竟證實患上直腸癌，一家被迫再共同面對生關死結。馨姐耗盡積蓄先後兩次接受自費化療療程，病情非但未有受控反而有惡化迹象。新一期療程每月需費近三萬元，馨姐因無力支付而向東方日報慈善基金求助，希望能在絕境中尋求一線生機。
四十九歲的馨姐患病前靠當陪月員的有限收入維持家計，至證實患病後，家庭經濟重擔落在長女身上，「佢真係好錫我，出糧啲錢都用晒嚟幫我醫病，搞到自己都冇錢用！」馨姐指除女兒收入外，過去兩年為購自費藥物已耗盡積蓄。因自費藥物價格高昂，女兒收入無法長期支持母親抗癌，須向銀行借貸支付藥費，而今年剛大學畢業的幼女亦欠下「學（費）債」逾十萬元，在在均令馨姐擔心不已。
「佢哋（女兒們）係我嘅生存希望，我唔想見到佢哋咁辛苦！」馨姐慨嘆女兒為自己犧牲太多，令她們失去進修及改善生活機會，望康復後可目睹兩名女兒組織家庭，並為她們充當陪月、照顧孫兒。然而，目下最重要者，還是須在短期內接受標靶治療，分別控制腫瘤及紓緩症狀。
整個療程需近12萬
瑪麗醫院發言人證實，袁女士於○八年證實患上直腸癌，發現時已擴散至肝臟，經接受八次化療療程後，肝臟腫瘤已全部消失。不過，醫生發現病人的病情於去年十二月有惡化迹象，癌細胞已擴散至肺部。醫生建議袁接受 Xelox 並輔以癌症標靶藥物 Bevacizumab化療療程，整個療程需費合共十一萬七千二百元。
捐款編號：11971
記者 陳鉑霖